Ledige stillingar

Er du røyrleggjar – eller har du annan byggteknisk kompetanse?

Me opplever ein hyggjeleg og stor pågang på røyrleggjartenestene våre. Me ynskjer oss derfor ein person eller to til på laget. Det å få tak i faglært røyrleggjar har vist seg å ikkje vera heilt enkelt, så me har bestemt oss for å gå litt breiare ut.

Me ser derfor ikkje nødvendigvis etter ein/ei som er utdanna røyrleggjar. Dersom du er tømrar, ventilasjonsmontør, kulde/varmepumpemontør, blikkenslager, byggdriftar/vaktmeister eller betongarbeidar/murar – og har lyst til å utvida horisonten din, er det også svært interessant.

I HAFS Elektro & Rør AS er oppgåvene til ein røyrleggjar svært varierte. Me arbeider ikkje berre med sanitærinstallasjon i bustader. Hjå oss får røyrleggjarane like gjerne vera med på industrioppdrag, oppdrag i landbruket, oppdrettsanlegg, varme- og kuldeanlegg samt alt anna ein røyrleggjar kan tenkjast å kunne bidra i. Den rette kandidaten vil derfor verta svært god på mange felt og ingen dagar er heilt like.

For den rette kandidaten, vil det også vera store moglegheiter til å ta fagbrev i røyrleggjarfaget.

Dersom du kjenner at noko av dette treff deg – så ikkje nøl med å senda søknad og CV til post@hafs-elektro.no

Spørsmål? Kontakt baseleiar Arild Wergeland på telefon 977 27 623